أعلن الفنان المصري رامي جمال اصابته بمرض البهاق الجلدي، منذ أكثر من عام، وأخبر جمهوره أنه يفكر جدياً في الاعتزال.
كتب رامي: (الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة).
تابع: (رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى).
أضاف: (أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة).
اختتم كلامه: (لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو).
