فاجأ الفنان المصري حمادة_هلال، الجميع وأعلن أن أغنية (عيش بشوقك)، كانت أغنيته قبل أن يحصل عليها الفنان تامر_حسني.
قال حمادة في تصريحات تلفزيونية:
(أغنية عيش بشوقك أغنيتي اشتغلت وتعبت عليها لمدة 6 شهور.. وانشغلت بمرض أمي الله يرحمها لمدة أسبوعين ومنت مشغول معاها جداً وفجأة لقيت الأغنية راحت في حتة تانية).
وتابع: (كلمتهم وقولتلهم دي غنوتي وحقي والمؤلف والملحن كانوا عايزين يشتغلوا مع الموزع أحمد عادل وقروا الفاتحة.. واستنيت وأحمد عطلنا وبعدها مبقاش موجود وفجأة ملقتش الأغنية قولتلهم يعني في فاتحة مع أحمد عادل ومفيش فاتحة معايا).
اقرأ: ياسمين صبري نسخة عن كيم كارداشيان! – صور
اضاف: (اللي زعلني اني كلمت تامر وقولتلهم الأغنية بتاعتي.. وكنت اقدر أرد اللي عملوه وانزل الأغنية بصوتي علي السوشيال ميديا.. ومش هنسي الفترة دي لأن أمي كانت حاسة بيا لأن الأغنية شقيت عليها وبنتي كانت فرحانة بيها).
استكمل حمادة: (سكتت ومردتش أعمل حاجة وقولت يا رب انت اللي عالم وبعد ١٥ يوم كنت بزور مي كساب وبالصدفة قابلت اوكا واورتيجا وقالوا ليا علي اغنية #اشرب_شاي .. واللي كان فيها خير كتير. بسبب نجاحها وبقت أغنية وإعلان).
تابع: (مش زعلان علي الأغنية اللي راحت.. زعلي كان علي الطريقة لما اتقالي هو انت اخدت تنازل منهم، ومش عارف هل القانون ورقة وقلم بينا ولا القانون بتاعتنا جدعنة الشغلانة).
